Cole Haan拆盒分享 - 買鞋變買車

Cole Haan拆盒分享: 買鞋變買車？

Cole Haan一向係响皮鞋界別享負盛名，款式多又有闊頭選擇，最重要係有Nike波鞋技術所以著起上黎係好舒服嘅。但係今次唔係要同大家介绍Cole Haan嘅皮鞋，而係佢嘅Causal系列。

小編見之前大大減價前就買咗我一生中第一對嘅Cole Haan casual款。因為未著過，所以平平地買咗佢對Grand Motion Knit睇吓佢嘅休閒系列又做得如何。

剛剛收到貨更係同大家分享吓啦。拆盒嘅時候其實冇咩期望，但一開盒嘅時候真係有驚喜。我明明買對casual款但一開盒就有一陣好似曾相識嘅味道撲過黎，係皮味。呢陣味點解話似曾相識呢？因為呢陣味係好似新車內籠嘅味道。我第一個反應係笑咗出嚟，因為我感覺好似買咗架新車咁，亦冇想過呢對Grand Motion只係得小小皮但有咁重嘅皮味。Cole Haan比我感覺就係真材實料。網購最重要係價錢，但冇想過可以有呢種Buying experience。你話係唔係好特別呢？

好啦好啦，咁究竟好唔好著先？可能已經先入為主,小編覺得好著，點解？因為小編係著開10.5號鞋，今次因為減價冇碼就膽粗粗買對10號試下。點知著得落不得止，仲唔夾腳，真係好彩。小編已經著咗對鞋幾日，好滿意呢對鞋，覺得真係物有所值同性價比好高。不過唯一有一點，就係唔明白點解Cole Haan會用有彈性嘅鞋帶，只係呢樣唔太習慣同明白。

整體嚟講，我個人對今次買呢對鞋係非常滿意嘅，主要係佢比咗個驚喜我同埋買細半個碼都唔夾腳(當然我買嗰對係Motion Knit)，再加上佢嘅皮鞋系列賣咁貴，著咗上去自我感覺都良好D。所以小編會推介Cole Haan嘅Casual系列比大家。

用代運記得用我地PieceUp呀。點幾運費都平一大折。時間上其實都唔係耐好多。一般多3星期左右。

記得用PieceUp美國倉前係要先登記成為我哋會員Ga。首磅仲係免費㗎。登記成為Pieceup過程簡單快捷, 幾分鐘就攪得掂